“Liverpul” jamoasi yarim himoyachisi Sadio Mane joriy mavsumning qolgan qismini o'tkazib yuborishi mumkin. Bu haqda Britaniyaning bir nechta yirik nashrlari ma'lum qildi. Senegallik futbolchi “Everton”ga qarshi (3:1) o'yinda jarohat olib maydonni tark etgandi. The Guardian, The Telegraph, Daily Mail va The Times nashrlarining ta'kidlashicha, “Liverpul” vakillari futbolchi og'ir jarohat olganidan xavfsiramoqda. Mane yana bir bor tibbiy ko'rikdan o'tadi va o'shanda jarohat qay darajada jiddiy ekaniga aniqlik kiritadi. Ba'zi ma'lumotlarga ko'ra, tiklanish jarayoni 2 oygacha vaqt olishi mumkin. 
— deya xabar beradi uff.uz nashri.