"Barselona" bosh murabbiyi Luis Enrike Chempionlar ligasi doirasida "Yuventus"ga qarshi kechadigan o'yin oldidan fikr bildirdi.
"Yuventus" - ajoyib jamoa va uni ko'p tanqid qilishlaridan hayron qolaman.
"Napoli"ga qarshi kechgan bahsda "Yuventus" tezkor gol urib oldi va shundan so'ng raqibdan to'pni olib qo'yishning uddasidan chiqa olmadi. Ammo "Napoli" to'pga egalik qilish bo'yicha dunyoning eng kuchli jamoalaridan biri ekanini ham unutmaslik lozim.
"Yuventus" - jiddiy raqib va bizni butkul boshqacha o'yin kutib turganiga ishonaman. Italiyada tanqid qilishni yaxshi ko'radilar, ammo "Yuventus" "Napoli"dan muhim bir ochko olib qo'yishning uddasidan chiqqan edi", - deydi Enrike.
— deya xabar beradi uff.uz nashri.