Bugun FIFA tashkiloti terma jamoalar ochkosi va ularning egallab turgan o'rinlarini e'lon qildi. Unga ko'ra, Gollandiya terma jamoasi o'z tarixida ilk bora eng yomon ko'rsatkichni qayd etdi. Ya'ni gollandiyaliklar FIFAning yangi reytingida 32-o'rinni egallashdi. Ma'lumot uchun, Gollandiya terma jamoasi JCh-2014 musobaqasida ishtirok etishgan, lekin Frantsiyada bo'lib o'tgan Evro-2016 musobaqasiga yo'llanmadan mahrum bo'lishgandi. Shuningdek, JCh-2018 saralash bosqichida kutilmaganda Bolgariya terma jamoasiga mag'lubiyatga uchrashgandi. Shundan so'ng Gollandiya futbol federatsiya jamoa bosh murabbiyi Danni Blindni iste'foga chiqardi.
— deya xabar beradi uff.uz nashri.