«Chelsi» klubi bosh murabbiyi Antonio Konte yozda Italiyaga qaytib ketishi borasidagi mish-mishlarni rad etdi. «Boshqalarning mening nomimdan gapirishlari menga yoqmaydi. Pastorello – mening do'stim, ammo men haqimda biror narsani bilishmoqchi bo'lishsa, yaxshisi o'zimdan so'ray qolishsin. Biz chempionlik uchun kurashmoqdamiz va bu marrani jabd etmoqchimiz. Undang so'ng esa yanada muhimroq sovrinlarni yutishga harakat qilamiz. Bundan kelib chiqadiki, men kelasi mavsum ham «Chelsi»da qolaman», – deydi Konte. Avvalroq, italiyalik agent Federiko Pastorello boshqa takliflar sabab Kontening Londonni tark etishini aytib o'tgan edi. Kontening «Chelsi» bilan amaldagi shartnomasi 2019 yilning yoziga qadar mo'ljallangan, biroq jamoa hozirdanoq uni uzaytirishni xohlamoqda.
— deya xabar beradi uff.uz nashri.