Bugun milliy chempionatimizning eng qiziqarli turidan joy olgan uchrashuvlar davom ettiriladi. Jumladan, “ajdarlar” Olmaliqda “konchilar” jamoasi bilan bahs yuritadi. Bu uchrashuv ham yurtimiz futbol ishqibozlarining diqqat markazida turibdi. Uchrashuvga bo'lgan qiziqish juda katta. Bunga asosiy sabablardan biri, “Nasaf” g'alaba qozonadigan bo'lsa, etakchilar orasida peshqadamga aylanadi. Bu yilgi chempionatni ko'tarinki ruhda o'tkazayotgan jamoamiz, bugun faqat g'alaba uchun maydonga tushishi shubhasiz. “Olmaliq” – “Nasaf”, mazkur jamoalar o'rtasidagi uchrashuv doimo qiziqarli va kurashlarga boy tarzda bo'lgan. Bugun ham shunday uchrashuvga guvoh bo'lamiz. Bundan faqat futbol ishqibozlari yutishi turgan gap. Qolaversa, har ikkala jamoa tarkibida katta mahoratga ega futbolchilar faoliyat yuritishmoqda. Bu jamoalarning o'zaro uchrashuvlari tarixiga nazar tashlasak, shu paytgacha jamoalar o'zaro 18 marta kuch sinashgan. Shundan o'nta bahsda “ajdarlar” zafar quchishgan, yana ettita o'yinda durang natija qayd etilgan. Bitta o'yinda olmaliqlik futbolchilar o'z maydonida g'alabaga erishishgan. To'plar nisbati bo'yicha ustunlik, “Nasaf” jamoasida: 31:16. Bugungi uchrashuv “Olmaliq”da bo'ladi. Bu qaysidir ma'noda konchilarga ustunlik berishi mumkin. Keling, Olmaliqda bo'lib o'tgan o'zaro uchrashuvlarni esga olamiz, Demak, Olmaliqda bo'lib o'tgan to'qqiz o'yindan beshtasida durang qayd etilgan. Uch uchrashuvda “Nasaf” g'alaba qozongan, bitta uchrashuvda “Olmaliq” g'olib bo'lgan. “Olmaliq” o'z uyida so'nggi bor, 2015 yili g'alaba qozongan. Ayni paytdagi “Olmaliq” jamoasi ustozi Viktor Bolyutovich vaqtida “Nasaf” jamoasini ham boshqargan. Bu murabbiy o'z o'rnini ukrainalik mutaxasis A.Demyanenkoga bo'shatib bergan edi. U paytlar R.Berdiev unga eng yaqin ko'makdosh bo'lgan. Bugungi uchrashuv bir jamoada yonma-yon ishlagan ikki murabbiyning o'zaro tuqnashuvi sifatida ham, muxlislarda qiziqishni ortirmoqda. Ro'ziqul Sa'dullaevich hozircha Kumikov jamoasiga yutqazmagan. Bunga misol tariqasida Viktor Bolyutovich qo'l ostidagi Qozog'istonning “Shaxtyor” jamoasi bilan bo'lgan 2014 yilgi o'rtoqlik uchrashuvini esga olamiz. U paytlar Evropa ligasi ishtirokchisi bo'lgan “Shaxtyor” jamoasi, “ajdarlar”ga 2:1 hisobida mag'lub bo'lishgan. Demak, bugun yana qiziqarli uchrashuvlar davom etadi. Yurtimiz futbol ishqibozlariga futbol uzoqlashmang deb, qolamiz.
— deya xabar beradi uff.uz nashri.