“Manchester Yunayted” va Ispaniya terma jamoasi yarim himoyachisi Xuan Mata Angliya terma jamoasi bilan kechadigan o'rtoqlik uchrashuvidan nimalarni kutayotganligi haqida gapirib o'tdi. Jumladan, u Roy Xojson shogirdlari 2016 yilgi Evropa chempionatida g'oliblikka asosiy da'vogarlardan biri ekanligini aytdi. Evro-2016 saralash musobaqasida inglizlar 10ta o'yinda 10ta g'alabaga erishdilar. “Bu juda qiziqarli o'yin bo'ladi. Ispaniya uchun Angliyaga qarshi o'yin juda muhim. Mening fikrimcha, inglizlar keyingi yozda Frantsiyada unvonga da'vogarlik qilishadi. Ular jamoaga kuchli o'yinchilarni yig'a olishdi va saralash bosqichidan juda yaxshi o'tishdi, bu o'yin bizga o'z kuchimizni sinashga imkon beradi”, — deya Mataning so'zlarini keltiradi The Daily Star nashri. Ispaniya — Angliya o'yini 13 noyabr kuni bo'lib o'tadi.
— deya xabar beradi uff.uz nashri.