“Buxoro” – “Neftchi”  (3:0) bahsidan keyin o'tkazilgan matbuot anjumanida mehmonlar ustozi Andrey Fyodorov o'yin borasida quyidagi fikrlarni bildirib o'tdi.
– O'yin haqida gapirish juda qiyin. 4-daqiqada uchrashuv biz uchun yakunlanib bo'lgandi. Himoyadagi qo'pol xato tezkor gol o'tkazib yuborishimizga sabab bo'ldi. Kiritilgan ketma-ket gollardan so'ng taym tugashini kutdik va bo'limlar o'rtasida yigitlarga ko'rsatma berib o'yin tizginini o'zgartirmoqchi bo'ldik. Ikkinchi 45 daqiqalikda taktik o'zgarishlar sabab o'yinimizda jonlanish ko'zatildi. Biroq vaziyatni tubdan o'zgartirib bo'lmadi. “Buxoro”ni g'alaba bilan tabriklayman. Yana bir bor qaytaraman, bugun o'z xatoyimizning hisobiga mana shunday natija kuzatildi. Keyingi bahslarda o'yin uslubimizda bir qator jiddiy o'zgarishlarni amalga oshirmasak bo'lmaydi, – dedi Andrey Fyodorov
— deya xabar beradi uff.uz nashri.