Futbolda ham xuddi hayotdagiday o'z adolatsizliklari bor. Ko'pincha kutilmagan voqealar sabab top-futbolchi faoliyatining eng cho'qqisi hisoblangan milliy termadagi ishtirokdan mosuvo bo'ladi. Quyidagi maqola aynan shu haqda. 10. Domeniko Berardi, 22 yoshda. Italiya|«Sassuolo» O'ta iqtidorli bo'lgan qanot yarim himoyachisi 22 yoshidayot «A» seriyasida 50dan ortiq to'p kiritdi, ammo biror marta ham milliyda to'p surmagan. Berardining texnik holati ham havas qilarli darajada, shuningdek, ajoyib tezlik hamda zarbaga ham ega va bu fazilatlarini «Sassuolo» tarkibida doimiy ravishda ko'rsatib kelmoqda. Bundan tashqari, u Italiyaning U-19 va U-21 termalarida doimiy ravishda ishtirok etib kelgan, jamoa etakchisi hisoblangan. Antonio Konte ilk bor Berardini Italiya termasiga 2015 yilda - ECh doirasida Ozarbayjon va Norvegiyaga qarshi saralash bahslari oldidan chaqirgandi, biroq aynan o'shanda Domeniko jarohat olgan va bu ko'ngilsizlik uning terma jamoasidagi debyutiga to'sqinlik qilgandi. 9. Xese Rodriges, 24 yoshda. Ispaniya|«Las-Palmas», Madridning «Real» jamoasi tarbiyalanuvchisi hech qachon qadrli jamoasining asosiy tarkibi o'yinchisi bo'lmagan, biroq «qaymoqranglilar» sharafini 100 bahsda himoya qilib, golQpas tizimida 34 ball egasi bo'lishga ulgurgan. Yosh futbolchining iqtidori PSJ e'tiboridan chetda qolmadi va klub yosh iqtidor uchun 25 million evroning bahridan kechdi. Biroq futbolchi bildirilgan ishonchni oqlay olmadi. Balki Xesening top-klub asosiy tarkibidan o'rin olabilmagani uni milliyga chaqirilishiga to'sqinlik qilayotgandir, ammo bu narsa Xeseni Ispaniya yoshlar termasiga chaqiruv olishiga to'g'anoq bo'lolmaganligini ham unutmaslik kerak. «Las-Palmas»ga «ko'chib o'tgani»dan so'ng, Xese asosiy tarkibdan muqim joy oldi va o'zini yaxshi tomondan ko'rsata boshladi, uning qanotlardagi ajoyib o'yini, tezligi barchaning tiliga tushdi. Agar u maydonda doimiy ravishda shunday o'yin ko'rsata olsa, Xulen Lopetegi boshqaruvidagi milliy terma jamoaga chaqiruv olishi aniq, boisi aynan shu murabbiy qo'li ostida Xese U-19lar orasida ECh-2012 g'olibi bo'libgina qolmay, turnirning eng yaxshi bombardiriga aylangandi. 8. Gabriel Paulista, 26 yoshda. Braziliya|«Arsenal» Markaziy himoyachi Evropada o'zining to'rtinchi mavsumini o'tkazyapti, ammo hozircha o'z iqtidori bilan Braziliya termasi murabbiylarini lol qoldira bilganicha yo'q. Xolis turib aytganda, Karlos Dunga 2015 yili uni bir necha bor termaga chaqirgandi, biroq ish maydonga tushishgacha borib etmagan. Balki, terma safida Tyago Silva, David Luiz, Markinos va markaziy himoyada to'p suruvchi boshqa taniqli  futbolchilarning borligi Gabrielga milliyning asosiy tarkibidan o'rin olishiga to'sqinlik qilayotgandir. 7. Fransis Koklen, 25 yoshda. Frantsiya|«Arsenal» «Arsenal»ning tayanch yarim himoyachisi mana uch mavsumdirki Arsen Venger uchun muhim figura hisoblanadi, ammo Dide Desham hozircha Koklendagi iqtidorni ko'ra bilganicha yo'q. Frantsuz shu kungacha Frantsiyaning 17 yoshdan 21 yoshgacha bo'lgan termalari safida maydonga tushishga ulgurdi, lekin mamlakatning birinchi termasi libosini kiyish unga armon bo'lib qolyapti. Balki ushbu pozitsiyada raqobatning kuchliligi va Koklen bu to'siqdan o'tishni uddalolmayotgani bunga sababdir. Koklen hozir 26 yoshdaligini e'tiborga olsak u hali birinchi termaga chaqiruv olishi mumkin, buning uchun esa «Arsenal» tarkibidagi stabil o'yinni davom ettirish lozim. 6. Villi Kabalero, 35 yoshda. Argentina|«Manchester Siti» Argentina termasida ko'p yillardan beri haqiqatan ham 1-raqamga mosligini isbotlay oladigan yulduz darajasidagi darvozabon yo'q. Shunga qaramay, nima uchun hanuzgacha Villi Kabalero milliy terma jamoa libosini kiyishga munosib deb topilmagani hayratlanarli. Evropadagi uzoq yillik faoliyati, yoshlar termasi safida JCh-2001dagi g'alaba, Olimpiada-2004dagi oltin ham unga bu huquqni bermadi. 2005 yili uni Xose Pekerman termaga jalb qilgan va Kabalero zahiradagi posbon sifatida  Konfederatsiyalar Kubogida ishtirok etib kumush medalni qo'lga kiritgan bo'lsa-da, maydonda ko'rinmagandi. Keyingi chaqiruv 2014 yilda - milliyni Xerard Martino boshqarayotgan paytga to'g'ri keldi. O'shanda ikkita o'rtoqlik o'yini o'tkazildi, ammo bu ko'rik Kabalero uchun zahira o'rindig'ini tomosha qilish bilan nihoyasiga etdi, xolos. Eng ajablanarlisi, Kabaleroning milliydagi karerasi umuman muvaffaqiyatsiz kechdi, aslida esa u «Malaga» va «Manchester Siti» darvozalarini muneosib qo'riqlagandi.
5. Fernando, 29 yoshda. Braziliya|«Manchester Siti»
Termaga chaqiruv olmagan «Manchester Siti»ning yana bir futbolchisi. «Portu» va «Siti»da bir talay sovrinlarni qo'lga kiritgan bo'lsa-da, Fernando ham milliyga jalb qilinmadi. Futbolchi 2013 yildayoq bu masalada shunday degandi: «Men Braziliya termasi safida maydonga tushishni orzu qilaman, mahalliylashtirish masalasidagi takliflarga esa aslo rozi bo'lmayman». Shunga qaramay, Portugaliya fuqaroligini olgach, Fernando bir yildan so'ng o'z agenti yordamida FIFAga murojaat qilib, Portugaliya termasi safida maydonga tushishga ruxsat berilishini so'radi. Ammo Fernando Braziliya U-20da maydonga tushgani e'tiborga olinib, FIFA rad javobini berdi. Endigina 29 bahorni qarshilagan futbolchi uchun milliy terma libosi hamon orzu bo'lib qolmoqda.
4. Stiven N`Zonzi, 28 yoshda. Kongo|Frantsiya|«Sevilya»
N`Zonzining milliy terma safiga chaqirilmasligi voqeasi murakkabroq. 2009 yili u 21 yoshgacha bo'lgan  Frantsiya milliy termasiga chaqirildi va 6 bahsda maydonga tushdi. Ammo APLdagi munosib ishtirokka qaramay, birinchi jamoaga chaqiruv hamon kelavermasdi. 2011 yilda esa, ota tomondan kongolik bo'lgan futbolchi bilan mazkur mamlakat vakillari muzokaraga kirishishdi. Umuman olganda, N`Zonzi ushbu yurt sharafini himoya qilish uchun maydonga tushishga qarshi emasdi-yu, Kongo futbol federatsiyasidagi ma'muriy muammolarga bog'liq bir talay masalalarning ijobiy echimi tarafdori edi. Shu boisdan ham u ushbu yurt futboli mutasaddilariga Kongo milliy terma jamoasi libosida maydonga tushishga tayyorligini, ammo ba'zi masalalarda kelishib olish lozimligini aytdi. 2012 yili N`Zonzi Kongodan yana taklif oldi va bu safar ham unga qat'iy rad javobini qaytardi. Angliyada 5 yil yashagan Stiven ushbu davlat milliy termasi libosida maydonga tushish haqida ham o'yladi va shu maqsadda AFga murojaat ham qildi. Ammo xuddi Fernando bilan bo'lganiday rad javobini oldi: Frantsiya yoshlar termasida o'ynagani bois, Stiven Angliya sharafini maydonda himoya qilish huquqiga ega emas.
3. Markos Alonso, 26 yoshda. Ispaniya|«Chelsi»
Madridning «Real» klubi tarbiyalanuvchisi katta yoshdagi futbol karerasini Angliya va Italiyada o'tkazdi. «Fiorentina» safida yuqori darajada to'p surdi, keyinroq Antonio Konte tizimidagi «Chelsi»ga moslasha bildi. Terma jamoa masalasida esa bu futbolchi Ispaniya U-19 libosida 4 bor maydonga tushgani bilan maqtana oladi, xolos. Ispaniya termasi bosh murabbiyi Xulen Lopetegi nima uchun Markos termaga jalb qilinmayotgani haqidagi savolga standart javoblarni aytish bilan cheklandi: «Alonso chindan ham «Chelsi»da o'zini ko'rsata olyapti va biz uni kuzatib bormoqdamiz». Markos chindan ham murabbiy e'tiboridaga o'xshaydi va tez orada milliydan chaqiruv olsa ajabmas. Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.