Rossiyadagi Vesti.ru internet-nashri Alisher Usmonov tomonidan "Paxtakor" klubi aktsiyalarining nazorat paketi sotib olingani haqida ma'lumot tarqatdi.
"Asli o'zbekistonlik bo'lgan rossiyalik tadbirkor Alisher Usmonov O'zbekistonning eng sovrindor klubi - Toshkentning "Paxtakor" jamoasiga tegishli aktsiyalarning nazorat paketini sotib oldi. Usmonov "Paxtakor"ga kiritiladigan sarmoyani oshirmoqchi va uni Osiyoning eng kuchli klublaridan biriga aylantirmoqchi", - deyiladi xabarda.
"Paxtakor" - O'zbekistondagi futbol klublari orasida sobiq itttifoq chempionatida ishtirok etgan yagona jamoa hisoblanadi. Uning eng yaxshi natijasi 1982 yilda oltinchi o'rinni qo'lga kiritgani bo'lgan.
Eslatib o'tamiz, "Paxtakor" klubi matbuot xizmati tomonidan kecha Uff.uz'ga berilgan ma'lumotda klub muassisi o'zgargani rasman inkor etilgan edi.
— deya xabar beradi uff.uz nashri.