«PSJ» hujumchisi Edinson Kavani jamoa bilan yangi shartnoma imzolash uchun qanday shartlarni klub oldiga qo'ygani ma'lum bo'ldi.
Urugvaylik 30 yoshli hujumchining "PSJ" bilan 2019 yilga qadar davom etadigan shartnomasi bor. Parijliklar ushbu muddatni yana bir yilga uzaytirmoqchi. Xabar qilinishicha, Kavani yangi shartnoma imzolashga qarshi emas, ammo ta'til va dam olish kunlaridan kech qaytgani uchun jarima belgilanishi haqidagi band olib tashlanishini istamoqda.
Shu bilan birga imidj huquqidan foydalanish shartlari ham yaxshilanishini talab qilgan. Edinson Kavani joriy mavsum 41 o'yinda 42 ta gol urgan. Bu borada "PSJ" rekordchisi Zlatan Ibrahimovich hisoblanadi. U 2015/16 yilgi mavsumda 50 ta gol kiritgan.
— deya xabar beradi uff.uz nashri.