Evropa Chempionlar ligasi musobaqasining chorak finalidan o'rin olgan o'yinlar bugun ham davom ettiriladi. Darvoqe, bugunga belgilangan o'yinlar orasida kecha qoldirilgan"Borussiya D" - "Monako" bahsi ham bo'lib o'tadi. Ushbu uchrashuv Toshkent vaqti bilan 21.45da boshlanadi.
Demak, chorshanba oqshomida futbol ishqibozlari ajyoib o'yinlarga guvoh bo'lishadi. Ularning biri Madrid shahrida mahalliy "Atletiko hamda "Lester" klublari o'rtasida kechadi. Ingliz debyutant jamoasining tajribadi grandga qarshi qanday o'ynashi ko'pchilik uchun qiziqdir.
Ikkinchi o'yin Myunxen shahrida boshlanadi. Unda "Bavariya" jamoasi Madridning "Real" klubini qabul qiladi. Negadir, ko'pchilik bu qarama-qarshilikda "Bavariya"ning imkoniyatlari yuqori ekanligini ta'kidlamoqda. Ammo, biz unday demagan bo'lardik. Agar "Real"ning o'yini chiqib qolsa, ikkita "Bavariya" ham Zidan shogirdlariga bas kela olmaydi, ishonavering.
Bugun va javob o'yini ko'p ihatdan Krishtianu Ronalduning kayfiyatiga bog'liq bo'ladi. Agar portugaliyalik yulduz jamoadoshlari bilan jiplashib o'ynasa, Anchelottiga ancha bosh og'rig'i bo'ladi.
Bugungi o'yinlar anonsi bilan tanishing: 12.04.2017   21:45 Borussiya D -:- Monako   23:45 Atletiko Madrid -:- Lester   23:45 Bavariya -:- Real Madrid
— deya xabar beradi uff.uz nashri.