Kecha bo'lib o'tgan UEFA  Chempionlar ligasi chorak finalidan o'rin olgan “Yuventus” va “Barselona” (3:0) uchrashuvi qahramoni Paulo Dibala butun umr shunday kunni orzu qilgani haqida aytib o'tdi.
“O'ylaymanki, biz bugun o'zimiz yaratgan imkoniyatlarning katta qismini ijobiy yakunlay oldik va ajoyib o'yin namoyish etdik. Bu esa bizga “Kamp Nou”da bo'lib o'tadigan javob bahsidan oldin yaxshi vaziyatni vujudga keltirdi.
Men bugun juda ham baxtliman. Boisi, bunday kunni bolaligimdan buyon orzu qilib kelganman.  
Biz ikkinchi o'yinga jiddiy tayyorgarlik ko'rishimiz lozim. Chunki, bizni oldinda o'ta qiyin uchrashuv kutib turibdi”, - deydi argentinalik futbolchi.
— deya xabar beradi uff.uz nashri.