Argentina terma jamoasi sobiq bosh murabbiyi Edgardo Bausa Lionel Messi va Xaver Maskerano tarkibni aniqlashda ta'sir o'tkazmaganini ta'kidladi. Murabbiy nima uchun "Inter" hujumchisi Mauro Ikardi termaga chaqirilmaganini tushuntirdi.
"Na Maskerano va na Messi terma jamoaga kimni chaqirish yoki asosiy tarkibda kimlar o'ynashiga ta'sir o'tkazgan.
Men terma jamoa boshqaruvidagi 8 oylik faoliyatim davomida biror futbolchidan muammo ko'rmadim va ulardan har biridan minnatdorman.
Men Ikardi bilan uchrashdim va istalgan vaqtda termaga kelishga tayyor ekanini bilardim. Ammo hech kim menga u haqida nimadir aytmagan. Hech bir futbolchi Mauro bilan kelishmovchilikka ega emas", - deydi Bausa.
— deya xabar beradi uff.uz nashri.