«Dinamo» klubi sobiq futbolchisi 35 yoshli Sirojiddin Sayfiev saraton (Rak) kasalligiga chalingani e'lon qilingach, ayni vaqtda uni qo'llab-quvvatlash uchun #TaslimBo'lmaSiroj aktsiyasi e'lon qilingan. Samarqand futboli tarbiyalanuvchisini qo'llab-quvvatlash maqsadida «Dinamo» ham ushbu aktsiyaga qo'shilgan. Jamoamiz 5-tur doirasidagi «Qo'qon-1912» - «Dinamo» uchrashuvida «#BizSenBilanSiroj» yozuvli futbolkalarda maydonga tushgan edi. 15 aprel, shanba kuni 6-tur doirasidagi «Dinamo» - «Buxoro» o'yinida ham «Dinamo» stadionida «Siroj Samarqand sen bilan» xayriya aktsiyasi o'tkaziladi. Shu kuni o'yingoh darvozasi oldida qutilar tashkil etilib, muxlislardan tushgan pul «Dinamo» sobiq futbolchisiga etkaziladi. Futbolchilik faoliyati davomida samarqandlik minglab muxlislarni o'z o'yinlari bilan xursand etgan Sirojiddin Sayfievning bugungi taqdiri «Dinamo» jamoasining hech bir ishqibozini bee'tibor qoldirmasligiga ishonamiz. Siroj, Samarqand sen bilan!
— deya xabar beradi uff.uz nashri.