Kuchli beshlik chempionatlarida o'z maydonida eng ko'p ochko qo'lga kiritgan jamoalar haqida bilasizmi? Quyida bu haqda ma'lumotga ega bo'lishingiz mumkin. 10.  “Everton”.  16 o'yin.  11-4-1.  T-N:  38-12.  37 ochko Liverpulliklar o'z maydonlaridagi o'yinlarni ajoyib tarzda o'tkazishmoqda.  Klub Premer ligada uydagi o'yinlar bo'yicha kuchli to'rtlikka kirgan.  Jamoa o'z maydonida “Manchester Siti” ustidan yirik 4: 0 hisobida ustun kelganini alohida ta'kidlab o'tish joiz.  Shuningdek,  “Arsenal” jamoasi ham bu klub stadionidan ochkosiz qaytgan. 9.  “Liverpul”.  16 o'yin.  11-4-1.  T-N:  41-16.  37 ochko Liverpulning yana bir jamoasi “Liverpul” ham o'z maydonida hozircha 37 ochko jamg'argan.  Klopp shogirdlari “Enfild Roud”da faqatgina “Suonsi”ga imkoniyatni boy berishgan.  “Arsenal”,  “Tottenxem”,  “Manchester Siti” kabi klublar esa “Liverpul” maydonini mag'lubiyat bilan tark etishgan. 8.  PSJ.  15 o'yin.  10-5-0.  T-N:  34-6.  38 ochko Parij klubi ham o'z maydonida daxshatli o'yin namoyish etadi.  Misol tariqasida ChLdagi “Barselona”ga qarshi o'yinni keltirib o'tishimiz mumkin.  Emeri qo'l ostidagi klub “Park de Prens”da chempionatdagi 5 ta jamoaga ochko ulashgan.  Qolgan 10 ta klub esa bu stadiondan faqatgina mag'lubiyat bilan ortga qaytishga majbur bo'lishgan. 7.  “Chelsi”.  15 o'yin.  13-0-2.  T-N:  39-11.  39 ochko
APLda yaqqol peshqadamlik qilayotgan “Chelsi” o'z uyidagi 15 o'yinning 13 tasida zafar quchib,  2 tasida imkoniyatni boy bergan.  “Aristokratlar” maydonidan 3 ochko bilan qaytish baxti “Liverpul” va “Kristal Pelas” klublariga nasib etgan.  “Stemford Bridj”dan “Lester”,  “Manchester Yunayted”,  “Everton” jamoalari yirik,  “Tottenxem”,  “Arsenal” va “Manchester Siti” klublari esa kichik mag'lubiyat bilan qaytishgan.
6.  “Nitstsa”.  16 o'yin.  12-4-0.  T-N:  33-12.  40 ochko
Balotelli to'p surayotgan “Nitstsa” maydonidan Liga1 klublarining hech biriga 3 ochko bilan qaytish nasib etmayapti.  “Kan”,  “Mets”,  “Bastiya” va “Lill” bu – “Nitstsa” maydonida durang o'ynagan jamoalarning nomlari.  Klub ayni paytda chempionlik uchun kurash olib bormoqda va mehmonda ham shunday o'ynashda davom etsa,  balki shoxsupaga Super Marioning jamoadoshlari chiqishi ham mumkin.
5.  “Real Madrid”.  16 o'yin.  12-4-0.  T-N:  40-15.  40 ochko
Madrid klubi La ligda peshqadamlik qilmoqda.  Zidan shogirdlarini “Santyago Bernabeu”da taslim qila oladigan jamoa hozircha topilmayapti.  “Galaktikos” o'z uyida “Atletiko”,  “Las Palmas”,  “Eybar” va “Vilyareal” jamoalariga ochko ulashgan.  Jamoani 23 aprelda “Barselona” bilan jiddiy o'yin kutib turibdi.  Agar “blankos” bu o'yinda ijobiy natija qayd eta olsa,  5 yillik tanaffusdan so'ng yana Premero taxtiga qaytadi. Davomi Furqat Yusupov blogida.
— deya xabar beradi uff.uz nashri.