"Milan" klubining yangi xo'jayini Li Yongxong jamoani Silvio Berluskonidan xarid qilganiga izoh bildirdi.
"Men Berluskoni va uning Fininvest kompaniyasidan bildirilgan ishonch uchun minnatdorman. Shuningdek "Milan"ning butun dunyodagi muxlislariga ham sabr qilganlari uchun rahmat aytaman.
"Milan" butun dunyoga taniqli va boy tarixga ega klub. Biz uni qayta tug'ilishi uchun katta qadam tashladik.
Va'da beramiz, kelajakda qadam ba qadam bu afsonaviy klubni yana dunyo futboli cho'qqisiga ko'taramiz", - deydi Yonxong.
Eslatib o'tamiz, "Milan" 740 million evroga sotildi. Ushbu mablag'dan 220 million evro klub qarzini to'lashga sarflanadi va yana 90 million evro Fininvest kompaniyasiga savdo muzokarasi cho'zilgani bilan bog'liq harajatlar qoplanishi uchun beriladi.
Berluskoni "Milan"ni 31 yil davomida boshqarib keldi. Bu vaqt oralig'ida klub Italiya va Evropada 29 ta sovrin qo'lga kiritdi.
— deya xabar beradi uff.uz nashri.