Joriy mavsumda ham O'zbekiston chempionatida yangi nomlar paydo bo'ldi. Mavsum-2015 kashfiyotlaridan biri – Otabek Haydarovdir.
O'tgan yili birinchi ligada sermahsul hujumchilardan biri bo'lgan Otabek Haydarov Olyi ligada ham to'purarlik mahoratini namoyish etdi. Birinchi davrani “Neftchi”da o'tkazgan 23 yoshli hujumchi farg'onaliklarga qimmatli ochkolarni taqdim etgan bir nechta gollarning muallifiga aylangandi.
Ammo negadir “Neftchi” jamoasi rahbariyati ushbu hujumchini “Qo'qon-1912”ga ijaraga berishga qaror qilishdi. Natijada Otabek o'zi uchun begona bo'lmagan klubda yaxshi o'ynay oldi. Haydarov ikkinchi davrada raqiblar darvozasiga oltita to'p kiritishning uddasidan chiqdi. Gollarning uchtasi chempionat peshqadamlari darvozasiga kiritilgani e'tiborga molik. Aniqrog'i, Otabek milliy terma jamoamiz posbonlari – Lobanov (bitta) va Nesterov (ikkita)larni dog'da qoldirishga muvaffaq bo'ldi. Bundan tashqari, bu hujumchi “Andijon” (ikkita) va “So'g'diyona” (bitta)  darvozasini ham ishg'ol etgan.
— deya xabar beradi uff.uz nashri.