Ispaniya chempionatining 32-turidan o'rin olgan «Barselona» – «Real Sosedad» uchrashuvi o'z nihoyasiga etdi. Gollarga boy bo'lgan uchrashuvda kataloniyaliklarning qo'li baland keldi. Uchrashuvning 17-daqiqasida Lionel Messi mezbonlarni hisobda oldinga olib chiqdi. 37-daqiqada Messi o'zining va jamoasining ikkinchi goliga mualliflik qildi. Uchrashuvning 42-daqiqasi o'tib borayotgan bir vaqtda «Barselona» himoyachisi Samuel Umtiti o'z darvozasini ishg'ol qilib qo'ydi. Birinchi bo'limning so'nggi daqiqalarida Pako Alkaser hisobni 3:1 ko'rinishiga keltirshgan bo'lsa, oradan ikki daqiqa o'tib Xabi Prieto hisobni qisqartirishga erishdi. Ikkinchi bo'lim sermaxsullik borasida birinchisining aksi bo'ldi, ikkala tomon ham darvozalarga boshqa yo'l topa bilmadilar. Shu tariqa «Barselona» ushbu g'alabadan so'ng ochkolarini 72 taga etkazib oldi va bitta o'yin zaxirasiga ega «Real»dan uch chkoga ortda bormoqda. Ispaniya chempionati, 32-tur Barselona – Real Sosedad 3:2  Gollar: 1:0 – 17 Messi, 2:0 – 37 Messi, 2:1 – 42, avtogol Umtiti, 3:1 – 44 Pako Alkaser, 3:2 – 45+1 Prieto. Barselona – ter Stegen, Umtiti, Pike, Alba, Serji Roberto, Rakitich, Buskets, Andre Gomesh (Inesta, 69), Pako Alkaser (Denis Suares, 79), Messi, Suares. Real Sosedad – Ruli, Navas, Berchiche, Saldua, Martines, Surutusa (Granero, 84), Ilyarramendi, Vela (Kanales, 62), Prieto, Oyarsabal, Villian Joze (Bautista, 79). Ogohlantirishlar: Vela (7), Pako Alkaser (41), Ilyarramendi (49), Suares (68), Pike (88).
— deya xabar beradi uff.uz nashri.