Oliy liga 6-turining markaziy o'yini Toshkent­da oltin medal uchun asosiy da'vogarlar sifatida tilga olinayotgan «Lokomotiv» va «Nasaf» jamoalari o'rtasida kechdi. Unda hafta boshida OChL doirasidagi uchrashuvda tayyor g'alabani alamli tarzda qo'ldan chiqarishgan «temiryo'lchilar» Marat Bikmaev tomonidan urilgan 2ta gol evaziga 2:1 hisobida zafar quchishdi. 5-turdan so'ng turnir jadvalini «Qo'qon-1912» va «Navbahor» jamoalari boshqarib turgandi. Bu turda ularning har ikkisi durang natija bilan cheklandi. Natijada 3 ochko ishlagan «Lokomotiv» yana turnir jadvali karvonboshisiga aylandi. Bilasiz, «temiryo'lchilar» joriy chempionat hisobidan ilk mag'lubiyatni o'tgan tur «Sho'rtan»dan qabul qilib olishdi. Avvalgi tur «Nasaf» uchun ham omadsiz yakunlangandi: Ro'ziqul Berdiev jamoasi «Olmaliq» maydonida kichik hisobda engildi. Mana, qarshiliklar 2-mag'lubiyatni ham tan olishdi. Umuman olganda, «Loko» va «Nasaf» oliy liga doirasida 25-marta o'zaro to'qnash keldi. Oldingi uchrashuvlarning 12tasida «Nasaf» zafar quchgandi. 5ta o'yin esa durang bilan yakunlangan. Demak, «Lokomotiv» o'zaro hisob-kitobda 8-g'alabasini nishonladi. To'plar nisbati bo'­yicha «Nasaf» hamon oldinda: 35-27.  Endi tafsilotlarga to'xtalsak, mehmonlar TTYMI stadionida bo'lib o'tgan uchrashuvni ancha faol boshlashdi va bir qator vaziyatlar yaratishdi. Biroq hisobni ochish «Loko»ga nasib qildi. «Temiryo'lchilar»ning 32-daqiqada uyushtirgan hujumlari samara keltirdi. Gol mualllifi - Marat Bikmaev. Hisob ochilgach, qarshiliklar yana oldinga tashlanishdi va hujumlar birida Bahrom Abdurahimov muvozanatni tiklash uchun yaxshigina imkoniyatga ega bo'ldi. Ammo uning yaqin masofadan yo'llagan zarbasi noaniq chiqdi. Ikkinchi bo'limning start qismida yana o'sha Bikmaev o'zini ko'rsatdi. Maratning ayni shu goli mehmonlarga ruhan ta'sir qildi, shekilli, o'yin voqeliklari keskin o'zgardi. Umuman, uchrashuv  Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.