2015-2016 yilgi mavsum Yurgen Klopp va uning jamoasi uchun juda yorqin o'tdi. Klub mazmunli o'yinlarni yana qayta namoyish etishni boshladi, eng muhimi - ular bir mavsumning o'zida ikkita musoboqaning hal qiluvchi raundida o'ynashdi. Undan tashqari Adam Lallana hamda Roberto Firmino to'la-to'kis jamoa o'yiniga kirishib ketdi. O'tgan oyning dastlabki kunlarida "Liverpul" klubi uchun befarq bo'lmagan, uning rivoji uchun qo'lidan kelgancha harakat qiladigan Anfield Index nashri Yurgen Kloppning ba'zi o'yinlardagi bir xil taktikasiga biroz o'zgartirish kiritdi va bunda jamoaning ikkinchi tarkibiga bor e'tiborini qaratishdi. O'sha vaqtda Henderson va Lallana jarohat olishgan, Mane esa safda edi. Biz ham «Photoshop» ishlatmasdan, Sadioning o'rniga eksperiment qo'llayotgan Kloppning taktikasiga hech qanday o'zgartirish kiritmadik. Ya'ni ingliz tilidagi maqola to'g'ridan-to'g'ri o'zbek tiliga o'girildi. (Nashr bu maqolasida asosiy e'tiborni o'yin amaliyotisiz qolib ketayotgan hamda ortda qolgan va kelayotgan bahslarda klubning raqiblariga qarab, taktik sxemaga asoslangan o'yin tizginini yaratdi). 3-4-4 Nemis mutaxassisi har doim o'z jamoalarida asosan ikki hil taktik sxemalardan foydalanadi - 4-2-3-1, 4-1-4-1. U mavsumning yarmigacha ushbu uslubga sodiq qoldi, ya'ni mag'lubiyatlar va duranglar epidemiyasiga qadar. Keyinchalik hujumkorlikni oshirdi, o'z navbatida taktikani 3 ta hujumchi raqib jarima maydoni atrofida bir chiziqda bo'lishini ta'minladi. Markazni Jan va Hendersonga ishonib topshirdi. Ular ba'zida birgalikda maydonda harakatlanishgan vaqtda, Veynaldum yoki Lallana zahirada o'tirardi. Hendo yoki Jandan faqat bittasi maydonda o'ynaganda, Jorjino va Lallana asosiy tarkibda o'yinni boshlab, erkin futbolchilarga aylanishardi vaziyat taqozosi bilan. Koutino, Firmino va Manega to'pni etkazib berish, hujumlar yaratish va uni mukammal yaratish bilan shug'ullanardi. Kloppning qaysarligi sabab, «Liverpul» so'nggi o'yinlarda mag'lubiyatga uchramoqda yoki ochko yo'qotmoqda. Masalan, Henderson jarohat sabab anchadan buyon maydonga tusha olmayotgan bo'lsa, asli markazda harakat qiladigan Milner chap qanotda o'ynamoqda. Vaholanki himoyaning bu nuqtasida emin-erkin o'ynay oladigan Alberto Moreno va yangi etishib chiqayotgan yoshlar bor. Eng alam qiladigan jihat shundaki, Klopp yozda o'tkazilgan 12 o'rtoqlik uchrashuvida faqat bir taktikani qo'llab, uni jamoasiga singdirgani. Rojers 3-4-3 taktikasini juda ko'p qo'llardi, Antonio Konte o'zining murabbiylik faoliyatining ilk kunlaridanoq 3 himoyachi bilan o'ynashni ma'qul ko'rdi va bu uning muvaffaqiyatli faoliyat yuritishida eng muhim omil bo'lmoqda. Vaziyat shuni taqozo qilayabdiki, Klopp 4 himoyachidan voz kechishi kerak. 3-4-3 taktikasi "Liverpul"ning o'yiniga qanday ta'sir etishini quyida ko'rib o'tamiz. Joylashuv va to'p nazorati Grafikda jarohat olgan Manening joylashuviga e'tibor qaratmaslik lozim. Kloppda uning o'rniga maydonga tushirish uchun Milner, Vudbyorn, Origi, Starrij va Ojolar bor.  Tahlilchilar darvozaga yana Loris Kariusga imkon berish lozimligini ta'kidlashmoqda. Qiziq jihat, tahlilda uning nima uchun asosiy tarkibda tushishi kerakligiga izoh ko'rsatilmagan. Mudofaa chizig'ida 3 nafar himoyachi o'ynaydi. Moreno o'z-o'zidan butun qanot bo'ylab harakatlanadi, uning joyiga Klavan o'tadi. Agar raqib hujum qilsa, Gomez, Matip va Klavan markaziy himoyani yopish uchun o'tishadi. Taktik joylashuvdan ko'rinib turibdiki, Moreno chap qanot yarim himoyachisiga aylansa, Koutino markaziy hujumda o'ynaydigan Starrijning yoniga o'tadi. Manening nuqtasida maydonga tushgan futbolchi esa raqib himoyachisini o'zi bilan olib yuradi, ya'ni «chalg'ituvchi» vazifasini bajaradi. Markaziy yarim himoyachisi rolini bajaradigan Jan va Veynaldum vaziyat taqozosi bilan oldinga borishi, raqib to'pni egallab olganda, hujum qilishga imkon bermasligi kerak. Morenoning chap qanotni egallashi, Koutinoga hujumchi ortida harakat qilishiga imkon yaratadi. Bunday vaziyatda Roberto Firmino maydondagi «10 raqam» vazifasini bajarib bersa, Manening o'rnida o'ynaydigan futbolchi tezkor kross o'tib ketish, to'pni egallab olganda o'z jamoadoshlariga darvozani ishg'ol qilishga imkon yaratishga bor e'tiborini qaratishi lozim. Markaziy hujumchi Starrij hujumga yakuniy nuqtani qo'yishi shart. Uning eng asosiy vazifasi - vaziyatlardan unumli foydalanish. Danielning vaziyatdan qay tariqa foydalanishi ko'p jihatdan Roberto Firminoning unga imkon yaratib beruvchi paslarning aniq uzatib berishidadir. To'p yo'qotilganda «Liverpul» to'pni yo'qotganda, futbolchilarning joylashuvida jiddiy o'zgarishlar bo'ladi. Moreno o'z joyiga qaytadi, Koutinto ham chap qanotga o'tib oladi, markaziy yarim himoyachilar Jan va Veynaldum ham markaziy himoyachilarga yordam berish uchun, tayanch zonasiga o'tishadi. Starrij maydon markaziga qaytsa, Firmino Starrijning joyiga o'tadi. Ya'nikim taktik sxema 4-2-3-1 ga o'zgaradi. Aslida-ku, vaziyat barchamizga ayon. Ushbu tarkib asosiysidan biroz zaifroqdek tuyulmoqda bizga. Ammo bir jihatni hisobga olish lozim - Klopp futbolchilarning jismoniy tayyorgarligiga asosiy e'tiborni qaratmoqda. Sardorning o'rni bilinishi, hujumlarga so'nggi nuqtani qo'yuvchi forvardning etishmasligi, o'yinni yanada jozibador va keskin ruhda o'tishini ta'minlovchi futbolchining kerak ekanligi, qolgan o'yinlarda baribir bilinadi. Lekin o'zi va muxlislariga Chempionlar Ligasidagi ishtirok kerak ekanligini yaxshi xis qilib turgan jamoa, qay tariqa va qanday taktika bilan o'ynashidan qat'iy  nazar, faqat g'alaba qozonishi shart. Mavsum yakunlanmoqda. Shu jumladan olib qaralganda, chiroyli futbolni bir chekkaga surib, natija uchun o'ynash lozim. Buni Klopp muxlis-u, tahlilchilardan ham yaxshi tushunib turibdi. Muallif: Nodirbek Mamatqulov.
— deya xabar beradi uff.uz nashri.