PFL oliy liganing 7-tur uchrashuvlari uchun rasmiylar ro'yxatini e'lon qildi. 21 aprel kuni "Paxtakor" stadionida o'tkaziladigan "Paxtakor" va "Lokomotiv" o'rtasidagi Toshkent derbisini Baxtiyor Namozov boshchiligidagi hakamlar guruhi boshqarib boradi. Unga Ma'mur Saidqosimov hamda Ravil Shoyaxmetov qanotlarda yordam beradi. Namozov hozirgacha oliy ligada jamoamiz ishtirokidagi 6 bellashuvni boshqargan. Ulardan 5tasida "Paxtakor" g'alaba qozongan va 1 marta durang o'ynagan. 2010 yil Namozov "Lokomotiv" - "Paxtakor" o'yinida ishlagan va o'shanda jamoamiz 2:0 hisobida zafar quchgan. "Lokomotiv"ning oliy ligadagi uchrashuvlarini Namozov 15 marta boshqargan. "Temiryo'lchilar" 12 g'alaba, 1 durang va 2 mag'lubiyat qayd etishgan. "Loko" ushbu referi ishlagan bellashuvlarning oxirgi 12tasida ketma-ket g'alabaga erishgani e'tiborga molik. 21 aprel, juma "PAXTAKOR" - "LOKOMOTIV" Hakamlar: Baxtiyor Namozov (Toshkent), Ma'mur Saidqosimov (Toshkent), Ravil Shoyaxmetov (Toshkent), Jasur Muxtorov (Toshkent). Nazoratchi: Radik Serazetdinov (Toshkent).
— deya xabar beradi uff.uz nashri.