“Yuventus” – kataloniyaliklar ushbu jamoa himoya qo'rg'onidan ustunlik qila olishmagani haqiqat. Bir necha yillar ilgari “Barselona” “Inter” bilan shunday holatni o'tkazgandi. Endi esa kataloniyaliklar bu holatni “Yuventus” bilan o'yinda takrorlashdi, ya'ni har ikki uchrashuvda ham Buffon darvozasiga gol ura olishmadi. Opta nashrining xabariga ko'ra, “Yuventus” EChL pley-off bosqichi bahslarida “Barselona”dan gol o'tkazmagan uchinchi jamoa hisoblanadi. Ma'lumot uchun, avvalroq “MYu” 2007/2008 yil mavsumida (1:0, 0:0), va “Bavariya” 2012/2013 yil mavsumida (4:0, 3:0) kataloniyaliklardan gol o'tkazib yubormagan. Takidlash joizki, ushbu ikki klub “Barselona”dan gol o'tkazib yubormagan mavsumda musobaqa bosh sovrinini qo'lga kiritishgan.
— deya xabar beradi uff.uz nashri.