2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarida futbol bo'yicha o'tkaziladigan musobaqalar taqvimi e'lon qilindi.
Unga ko'ra musobaqani 3 avgust kuni ayollar o'rtasida “E” guruhi vakillari boshlab beradilar. Rio-de-Janeyro shahridagi “Olimpiya” stadionida o'tkaziladigan ushbu o'yin mahalliy vaqt bilan soat 13:00da boshlanadi.
Chorak final uchrashuvlari 12 avgust kuni Brazilia, Salvador, San-Paulu, Belu-Orizonti shaharlarida bo'lib o'tadi. Yarim final o'yinlari 16 avgust sanasida o'tkaziladi. Final yo'llanmasi uchun o'tkaziladigan bahslar Belu-Orizonti, Rio-de-Janeyro (Marakana) shaharlarida bo'lib o'tadi.
Va nihoyat, final uchrashuvi 19 avgust kuni Rio-de-Janeyro shahridagi “Marakana” stadionida o'tkaziladi. Shu kuni San-Paulu shahrida 3-o'rin uchun o'yin bo'lib o'tadi.
Erkaklar o'rtasida bahslar 4 avgust kuni poytaxt Braziliada boshlanadi. 17 avgust kuni o'tkaziladigan chorak final o'yinlariga Brazilia, Salvador, Belu-Orizonti, San-Paulu shaharlari mezbonlik qiladi.
Olimpiadaning yarim final, final va bronza medallari uchun o'tkaziladigan o'yinlari qaysi shaharlarda kechishi bilan O'zbekiston Milliy Olimpiya Qo'mitasi rasmiy sayti - Olympic.uz'da tanishib olishingiz mumkin.
— deya xabar beradi uff.uz nashri.