Moskvaning “Spartak” klubi hujumchisi Kvinsi Promes faoliyatini Angliya Premer-ligasida davom ettirishi mumkin.
Eatsleepsport portalining ma'lumotiga ko'ra, Gollandiya termasi a'zosiga Londonning “Arsenal” jamoasi jiddiy tarzda qiziqmoqda.
Ta'kidlanishicha, “kanonirlar” skautlari “Zenit”ga qarshi kechgan o'yinda hujumchini kuzatib borishgan.
Ushbu mavsumda 25 yoshli futbolchi barcha musobaqalarda 22 marta maydonga tushib, 10ta gol hamda 9ta golli uzatmaga mualliflik qilgan.
Uning “Spartak” bilan shartnomasi 2021 yilgacha mo'ljallangan.
Avvalroq, Promesga “Tottenxem” hamda “Liverpul“ klublari tomonidan qiziqish borligi xabar qilingandi.
— deya xabar beradi uff.uz nashri.