O'zbekistonlik FIFA referisi Baxtiyor Namozov Birlashgan Arab Amirliklarining Dubay shahrida 2—7 noyabr kunlari plyaj futbol bo'yicha o'tkazilgan “Samsung” qit'alararo kubogi musobaqasida ishladi.
Ushbu musobaqada u jami 10 o'yinda ish olib bordi. Shulardan guruh bosqichidagi ikki o'yin — Taiti – Eron hamda Portugaliya – Taiti uchrashuvlarida bosh hakam sifatida ish olib borgan.
Yarim final bosqichida esa Namozov Rossiya – Eron uchrashuvida 3-hakam sifatida o'yinni boshqarishga yordamlashdi.
E'tiborlisi, o'zbekistonlik hakam ushbu musobaqa final uchrashuvida ham bosh hakamlik qildi. Finalda Rossiya – Taiti jamaoari o'zaro to'qnash kelishdi va unda Rossiya 5:2 hisobida g'alaba qozonib, uchinchi bor plyaj futboi bo'yicha qit'alararo kubog sohibiga aylandi.
— deya xabar beradi uff.uz nashri.