Madridning “Real” klubi hujumchisi Garet Beyl 23 aprel kuni bo'lib o'tadigan “Barselona”ga qarshi “el-klassiko” uchrashuvida ishtirok eta olishi mumkin. Eslatib o'tamiz, Beyl jarohati tufayli “Bavariya”ga qarshi javob uchrashuvini o'tkazib yuborgandi va “Barselona”ga qarshi o'yinga tayyor bo'lib ulgurmasligi haqida xabarlar tarqalgandi. “Real” klubi rasmiy saytining ma'lumotiga ko'ra Beyl 20 aprel kuni bo'lib o'tgan umumiy guruh mashg'ulotlarida qatnashganligi haqida xabar berib o'tdi.
— deya xabar beradi uff.uz nashri.