Bugun Toshkentdagi "Paxtakor" markaziy stadionida Oliy Liga 7-turining markaziy bahsi bo'lib o'tdi. Unda Toshkentning ikki klubi "Paxtakor" xamda "Lokomotiv" jamoalari maydonda kurash olib borishdi. Teng kurashlar ostida kechgan o'yin "temiryo'lchilar"ning 1:2 g'alabasi bilan yakunlandi.
Ushbu uchrashuvdan so'ng o'tkazilgan matbuot anjumanida dastlab mehmonlar ustozi Andrey Miklyaev ishtirok etdi va jurnalistlar savollariga javob berdi.
- Juda asabiy o'yin bo'ldi. O'yin davomida ko'plab xatolarga yo'l qo'ydik. Bizning jamoa o'yin borasida balki, ortda qolgandir. Ammo asosiysi 3 ochkoni qo'lga kiritdik. Chunki bugungi raqib ancha jiddiy edi. Bugun jamoaning asosiy o'yinchilaridan biri Jaloliddin Masharipovning xizmatlaridan foydalana olmadi. Ikrom Aliboev jarima zarbasini Lobanov qaytardi. Bu vaziyatda ikkisi ham yaxshi o'ynadi. Hakamlar borasida esa men fikr bildira olmayman, - deydi Miklyaev.
— deya xabar beradi uff.uz nashri.