Osiyo Chempionlar Ligasi “S” guruhi 5-turidan o'rin olgan Toshkentning “Bunyodkor”  va Saudiya Arabistonining “Al-Ahli”klublari o'rtasidagi uchrashuvdan oldin o'tkazilgan matbuot anjumanida mehmonlar bosh murabbiyi Kristian Gross o'z fikrlarini bildirdi. “Ertangi o'yin biz uchun juda muhim sanaladi, sababi musobaqaning guruh bosqich o'yinlari yakuniga etay deb qoldi. To'g'ri, “Bunyodkor” muddatidan avval OChL pley-off bosqichiga chiqish imkoniyatini yo'qqa chiqardi, ammo bu ular osonlik bilan taslim bo'ladi degani emas. Ular ertaga prestij uchun o'ynaydi. Toshkentga 3 ochko olish uchun keldik. Hech narsa yo'qotmaydigan jamoa bor kuchini berib harakat qiladi”, – dedi Kristian Gross. Eslatib o'tamiz, “Bunyodkor” – “Al-Ahli” uchrashuvi ertaga, 24 aprel kuni poytaxidagi “Bunyodkor” stadionida bo'lib o'tadi. O'yin soat 19:00 da boshlanishi ko'zda tutilgan. 
— deya xabar beradi uff.uz nashri.