"Barselona" hujumchisi Neymar Ispaniya chempionati doirasida bugun "Real"ga qarshi kechadigan o'yinda maydonga tusha olmaydi. Bu xabarni "Barselona" tasdiqlagan. Neymar klub bilan birga Madridga yo'l olmaydi.
Eslatib o'tamiz, "Barselona" Neymarning chetlatilishi bo'yicha Sport arbitraj sudiga ataylab kech murojaat qilgani aytilgan edi. Bundan ko'zlangan maqsad murojaat kelasi hafta ko'rib chiqilgunga qadar Neymar maydonga tushish huquqini saqlab qolishida bo'lgan.
Biroq bugun kataloniyaliklar Neymar maydonga tushmasligini rasman ma'lum qilishdi. Bunga sabab sifatida arbitraj sudi o'yin boshlanishiga 12 soat qolgunga qadar yakuniy qaror chiqamagani aytilgan.
— deya xabar beradi uff.uz nashri.