Bugun milliy terma jamoamiz KXDRga qarshi muhim o'yinda maydonga tushadi. Ushbu o'yin oldidan mutaxassislarni fikrlari bilan qiziqib ko'rdik. Xususan o'z vaqtida milliy termada o'ynagan va bugungi kunda "Sho'rtan"da to'p surayotgan himoyachi Asror Aliqulov UFF.uz internet portaliga o'z fikrlarini bildirib o'tdi.
- Rosti, shimoliy koreya bilan bo'ladigan o'yinda ko'p narsa kutmoqdaman. Chunki guruhimizdagi asosiy raqibisiz so'zssiz mana shu terma jamoadir. 12 noyabr kuni bo'ladigan bahsda raqib baribir himoyaviy o'yin uslubini tanlashdi. Ular ham bosh jamoamizning jiddiy raqib ekanligini biladi. Shunga qarab, o'yin uslubini tanlashlari aniq. Himoyaviy o'yin esa baribir bizga to'siq bo'ladi. Buni hamyurtlarimiz ham bilishadi. Babayan shunga qarab taktika ishlab chiqsa ajabmas. Zero, bizni faqat g'alaba qoniqtiradi. Shu raqibni to'sig'idan o'tib olsak, qolgani yaxshi bo'lishiga ishonaman.
-  Raqibdan cho'chish kerakmasmi?
- Avvalo bu futbol. Unda hamma narsa ro'y beradi. Lekin shimoliy koreya biz o'ylaganchalik kuchli emas. Bizni yutgan bo'lishiga qaramay, o'sha bahsda qandaydir pala-partishliklar tufayli, mag'lub bo'lgandik. Yigitlarda tushunmovchiliklar bo'lib qolganligi o'yinimizga ta'sirini ko'rsatgandi. Lekin so'nggi o'yinlarda hammasi joyiga tushdi. Terma jamoadagi muhit o'zgardi. Yangilar taklif qilina boshlandi. Har holda hozirgi tarkibdan ko'p narsa kutsa bo'ladi. KXDRni hurmat qilish kerak. Raqib bu baribir raqib. Kuchli bo'ladimi yoki kuchsiz, buni farqi yo'q. Ishonamanki, biz KXDRni albatta yutamiz.
— deya xabar beradi uff.uz nashri.