Bugungi kunda «Dinamo» klubi sobiq futbolchisi Sirojiddin Sayfievning holati futbol jamoatchiligi va muxlislar bee'tibor qoldirmayapti. Barcha imkonqadar yordam qo'lini cho'zishga harakat qilmoqda.
Shu jumladan, «Dinamo» PFK jamoasi ham futbolchini ham ruhan, ham moddiy jihatdan qo'llab-quvvatlashga intilmoqda. Klub stadion va muxlislar hamkorligida «Dinamo» - «Buxoro» uchrashuvida «Siroj, Samarqand sen bilan» aktsiyasida qatnashdi.
Sirojiddin Sayfiev «Dinamo»da faoliyat yuritgan so'nggi 2014 yilda «Dinamo» PFKning futbolchi oldida qarzdorlik holati mavjud bo'lib, klubning oldingi rahbariyati davridan bu qarz qolib ketgan. Shunga qaramay, joriy yilda «Dinamo» PFKda yangi rahbariyat ish boshlagan bo'lsada, ushbu qarzdorlik holatini imkon qadar yopgan.
Qolaversa, bunga qadar O'zbekiston Professional Futbol Ligasi rahbari Farhod Magametov va «Kelishilgan o'yinlarga qarshi kurashish» qo'mitasi raisi Ahrol Inoyatov murojaatiga javoban, «Dinamo» PFK belgilanganidek, 24 aprel, dushanba kuni Sirojiddin Sayfiev oldidagi oylik maosh qarzlarini hisob-kitob qilib, to'ladi.
Bundan buyon ham Samarqand viloyati Hokimiyati va «Dinamo» PFK rahbariyati Samarqand futboli namoyandasi bo'lgan Sirojiddin Sayfievga yordam berib, har tomonlama qo'llab-quvvatlashda davom etadi.
— deya xabar beradi uff.uz nashri.