"Manchester Yunayted" himoyachisi Erik Beyi mankunianliklar safiga o'tishidan avval "Barselona" va "Manchester Siti"dan bo'lgan qiziqish haqida fikr bildirdi.
"Menga Mourino qo'ng'iroq qilgan vaqtda Kot-dIvuarda, uyimda edim. Avvaliga bunga ishonmadim. "Manchester Yunayted"ning taklifini qabul qilishimdan ilgari "Barselona" va "Manchester Siti"dan ham qiziqish bo'lgan edi. Ammo keyin barchasi o'zgarib ketdi.
Mourino ko'proq qiziqish bildirdi va darhaqiqat meni jamoasida ko'rishni istadi. U menga qo'ng'iroq qilgani tufayli ham "Manchester Yunayted"daman.
"Manchester Siti" va "Barselona" agentim bilan muzokara olib borgan, ammo ular "MYu"chalik harakat qilmadi.
Albatta yangi klubda o'ynab ketish haqida o'ylaysan, ammo murabbiyning shaxsan o'zi taklif bilan chiqqanda bu qo'shimcha motivatsiya beradi", - deydi Beyi.
Eslatib o'tamiz, "MYu" 2016 yilning yozida Beyini "Vilyarreal"dan 38 million evroga sotib olgan edi.
— deya xabar beradi uff.uz nashri.