"Liverpul" klubi bosh murabbiyligiga asosiy da'vogar deya e'tirof etilayotgan Yurgen Klopp Angliyaga ko'chib o'tishi mumkinligi haqidagi ma'lumotni hozircha tasdiqlamadi. Kecha 48 yoshli mutaxassis Leverkuzen shahrining "Bay-Arena" stadionida bo'lib o'tgan tadbirda ishtirok etgan. – "Liverpul"? Hozircha aytishga arzigulik hech gap yo'q. Hozir bo'lsa men uyimga ketyapman, – deya Kloppning so'zlarini keltiradi Bild nashri. Eslatib o'tamiz, "qizillar"ning avvalgi bosh murabbiyi Brendan Rojers qoniqarsiz natijalar tufayl o'z ishidan ozod etildi. So'nggi to'qqiz uchrashuvda "Liverpul" faqat bitta g'alabaga erishdi va Angliya Premer-ligasi musobaqa jadvalida to'qqizinchi o'rinni egallab turibdi.
— deya xabar beradi uff.uz nashri.