“Real” bosh murabbiyi Zinedin Zidan primeroning 35-turidagi “Valensiya” ustidan qozonilgan g'alabadan so'ng o'z fikrlarini bildirib o'tdi. O'yin haqida Xisob borasida asabiylashishga majbur bo'ldik. O'yin qiyin bo'lishini bilar edik. Ikkinchi golni ura olmayotganingda raqib ham o'z goli bilan javob berishi mumkinligini bilasan va asabiylasha boshlaysan. Oxir oqibat biz g'alabaga erishdik, o'ydaymanki bunga haqli edik. Istardimki, g'alabani ertaroq ta'minlash kerak, lekin bilamizki, tarkibimizda istagan paytda istagan futbolchi gol ura oladi. Kecha gol urish navbati Marseloda edi.  Marselo va Karvaxal haqida Ular ajoyib o'yin o'tkazishdi, ko'p hujum uyushtirishdi. Ular dunyoning eng kuchli qanot himoyachilaridan biri hisoblanishadi. Muhlislarning o'yin oxiridagi qo'llab quvvatlashi haqida Muhlislarimizning qo'llab quvvatlashi bizga kerakligini ularning o'zlari yaxshi bilishadi. Aynan muhlislar ikkinchi golni urishimizda katta yordam berishdi.
— deya xabar beradi uff.uz nashri.