Toshkentdagi Markaziy "Paxtakor" stadionida O'zbekiston hamda KXDR milliy terma jamoalari o'rtasidagi JCh-2018 saralash uchrashuvi yakuniga etdi. Unda 3:1 hisobi qayd etilib, o'zbekistonlik futbolchilarning g'alabasi bilan yakunlandi. O'yin kutilganidek, shiddatli kurashlarga boy tarzda boshlandi. Kutilmaganda, vakillarimiz tezkor gol o'tkazib yuborishdi. 3-daqiqadayoq Ri Xyong Chol jamoasini oldinga olib chiqdi. Hammasi shundan keyin boshlandi. Hayajonli damlar kishi vujudini chulg'ab oldi. Yaxshiki, futbolchilarimiz o'zlariga kelib, hisobni tenglashtirishdi. Igor Sergeev boshi bilan gol urib, oradagi farqni yo'qqa chiqardi. Shu tariqa jamoalar tanaffusga chiqib ketishdi. Ikkinchi bo'limda o'yin tengkurashlar ostida kechdi. Zaxiradan maydonga tushgan Aleksandr Geynrix butun o'zbek xalqiga quvonch olib keldi. Odil Ahmedov esa, 86-daqiqada supergoli bilan futbol bayramini boshlab yubordi. Judu muhim o'yinda O'zbekiston termasi g'alaba qozondi.
 
JCh-2018 saralashi
O'zbekiston - KXDR — 3:1
Gollar: Igor Sergeev (23), Aleksandr Geynrix (66), Odil Ahmedov (86) - Ri Xyong Chol (3).
O'zbekiston: Aleksandr Lobanov, Vitaliy Denisov, Egor Krimets, Anzur Ismoilov, Islom To'xtaxo'jev, Odil Ahmedov, Aziz Haydarov, Sardor Rashidov, Server Jeparov, Markat Bikmaev, Igor Sergeev.
KXDR:  Ri Myong Guk, Jang Kuk Chol, Ri Kum Chol, Ri Xyok Chol, Pak Kvang Ryong, Jong Il Kvan, Jon Kvang Ik, Sim Xyon Jin, Ri Yong Chol, So Xyon Uk, Ri Chol Myong.
— deya xabar beradi uff.uz nashri.