Toshkentdagi Markaziy "Paxtakor" stadionida O'zbekiston hamda KXDR milliy terma jamoalari o'rtasidagi JCh-2018 saralash uchrashuv boshlanish arafasida.
Biz ushbu sahifa orqali o'yinning tafsilotlarini yoritib borishga harakat qilamiz.
Terma jamoamizga muhim o'yinda omad tilab qolamiz!
Tarkiblar bilan tanishing:
O'zbekiston:
Aleksandr Lobanov, Vitaliy Denisov, Egor Krimets, Anzur Ismoilov, Islom To'xtaxo'jev, Odil Ahmedov, Aziz Haydarov, Sardor Rashidov, Server Jeparov, Markat Bikmaev, Igor Sergeev. KXDR: 
Ri Myong Guk, Jang Kuk Chol, Ri Kum Chol, Ri Xyok Chol, Pak Kvang Ryong, Jong Il Kvan, Jon Kvang Ik, Sim Xyon Jin, Ri Yong Chol, So Xyon Uk, Ri Chol Myong ***** 0'. Toshkentda yomg'ir yog'moqda 0'. Madhiyalar yangramoqda 1'. O'yin boshlandi 2'. Dastlabki daqiqalardan boshlab vakillarimiz oldinga o'tishga harakat qilishyapti. 3'. GOLLL! Shimoliy Koreya urdi, 0:1 4'. Ha, kutilmaganda KXDR oldinga o'tib oldi. Ri Xyong Chol tezkor gol muallifiga aylandi. 5'. Kiritilgan goldan keyin O'zbekiston futbolchilari javob berishga intilishmoqda, ammo samarasiz 7'. O'zbekiston futbolchilari o'z baxtlarini raqib jarima maydonchasida izlashga urinishmoqda 9'. Marat Bikmaev o'z qanotida faol. Umuman olganda, tezkor gol biroz vakillarimizni shoshirib qo'ydi 11'. Sardor Rashidov markazda to'pni oldirib qo'ydi, aniqrog'i uning niyatini koreyslar sezib qolishdi. 13'. Server Jeparovning uzoqdan bergan zarbasi noaniq ketdi 15'. Shimoliy Koreya futbolchilari shoshmasdan to'pni o'yinga kiritishmoqda. Bu hisob ularga ma'qul keladi. Bu orda Ahmedovga nisbatan qo'pollik ishlatilindi 16'. Yaxshi standart vaziyatni yuzaga keltirgandik. Jeparovning jarima maydonchasiga ko'targan uzatmasini hech kim yakunlay olmadi 18'. Islom To'xtaxo'jaevga sariq kartochka ko'rsatildi 20'. O'zbekiston futbolchilarida gol urish uchun imkoniyatlar sodir etilmoqda. 22'. Bikmaev - Jeparov kombinatsiyasi yaxshi chiqdi 23'. GOOOOLLLL!!! O'zbekiston urdi, hisob 1:1 24'. Chap qanotda futbolchilarimiz faol o'ynashdi va jarima maydonchaga ko'tarilgan to'pni Igor Sergeev boshi bilan darvozaga yo'llab, hisobni tenglashtirdi 26'. Koreyslar yana oldinga o'tishmoqda va ikkinchi golni urish uchun taraddud ko'rishmoqda 28'. Marat Bikmaev to'pni Haydarov bilan o'ynadi, Sergeev oldinga o'tib ketgandi ungacha to'p etib bormadi 30'. Bizga yana bitta gol kerak, aks holda ikkinchi bo'limda KXDR himoyaga yotib oladi 32'. Aytish kerakki, mehmonlar ikkinchi raqam ostida o'ynashmayapti. Ular ham gol urishni niyat qilishgan. Ri Kum Chol ancha faol 35'. An Yong Jun zaxiradan maydonga tushdi 37'. Sergeev jarohat oldi. Unga tibbiy yordam ko'rsatimoqda 39'. Ahmedovning kuchli zarbasini darvozabon qaytarib qoldi. To'p darvoza ustuniga tegib qaytdi. Yaxshi vaziyat edi 41'. O'yin davom etadi. O'zbekistonning zaxiradagi futbolchilari mashqlarga kirishdi 43'. Jeparov - Bikmaev dueti yaxshi harakat qildi va Marat oldinga o'tib ketgandi. Ammo hakam boshqa qarorni qabul qildi 44'. Yong Gvang futbolchimiz Aziz Haydarovga nisbatan qo'pollik qildi va unga sariq kartochka ko'rsatildi 45'. Birinchi bo'limga 2 daqiqa qo'shib berildi 45+1'. Sardor Rashidov chap qanotda faol o'ynadi va burchak zarbasini ishladi. Burchak to'pini maromidagidek yakunlay olmadik Birinchi bo'lim tugadi Dastlabki xulosalar haqida nima deyish mumkin. O'yinni o'zingiz ko'ryapsiz, ikkinchi bo'limda yanayam qiyin bo'ladi 46'. Ikkinchi bo'lim boshlandi 47'. Bo'limni mehmonlar yaxshi boshlashdi. To'p nazorati ular tomondadek tuyulgandi, lekin sekin-asta vakillarimiz o'yin tizginini qo'lga olishmoqda 48'. Maydonga Aleksandr Geyrixning tushishi kutilmoqda 50'. Ha, shunday bo'ldi. Marat Bikmaev o'rniga Aleksandr Geynrix tushdi 54'. So'nggi daqiqalarda o'zbekistonlik futbolchilar ancha yaxshi harakat qilishmoqda 57'. O'z navbatida KXDR ham gol urishi mumkin edi, yaxshiki so'nggi zarbani noaniq ijro etishdi 60'. Himoyachilarimiz yana bir xavfli hujumni yo'qqa chiqarishdi. 62'. Sardor Rashidov yana bir marta chap qanotda "reyd" qildi. U to'pni jamoadoshlari bilan o'ynadi, lekin maqsadsiz 64'. O'zbekiston futbolchilari raqib jarima mayoniga kirib borishdi va so'nggi zarbani ham yo'llashdi. Noaniq 66'. GOOOLLL!!! Aleksandr Geynrix! Hisob 2:1 67'. Sardor Rashidov chap qanotdan to'pni zargarona tarzda Sashaga tashab berdi. Geynrix darvozabonni chap oyoqlari ostidan to'pni o'tkazib, darvozaga yo'lladi. O'zbekiston oldinga o'tib oldi 68'. Buyog'iga ehtiyot bo'lishimiz lozim 70'. O'yin asabiy tarzda davom etmoqda 72'. Muxlislar ham futbolchilarni qo'llab-quvvatlashni boshlashdi 74'. Maydonda Jasur Xasanov harakat qilmoqda, unda yaxshi imkoniyat bo'ldi va to'pni orqa bilan o'ynadi. Yakuniy zarbani ijro etadigan futbolchi topilmadi 76'. Ahmedovga nisbatan yana qo'pollik ishlatildi. Natijada hakam raqib futbolchisiga sariq kartochka ko'rsatdi 79'. O'yin surati biroz tushgandek 81'. Geynrixga nisbatan qoida buzildi, hammasi joyida Sasha o'rnidan turdi 83'. Sardor Rashidovda ketma-ket ikkita vaziyat yuzaga keldi, afsuski zarbalar ko'ngildagidek chiqmadi 87'. GO00LLL!!! Odil Ahmedov! Hisob 3:1 88'. Yashanlar yigitlar! KXDR burchak zarbasini tepgandi, to'pni olib qo'ygan Ahmedov maydonda reydni amalga oshirdi va to'pni Rashidovga tashladi. O'z navbatida Sardor to'pni Odilga qaytardi. Ahmedov esa bir himoyachini aldab o'tib, uchinchi golni urdi. 89'. O'yin tugab bormoqda 90'. Sardor Rashidov zaxiraga almashtirildi. Uning o'rnida Javohir Sohibov harakat qilmoqda 90+1'. Qo'shib berilgan daqiqalar davom etmoqda 90+2'. Ahmedov birga-bir chiqib ketgandi va zarba yo'lladi, afsuski himoyachi yaxshi o'ynab, to'pni qaytardi 90+3'. Sergeevga tibbiy yordam ko'rsatilmoqda O'yin tugadi! G'alaba muborak, yurtdoshlar!
— deya xabar beradi uff.uz nashri.