«Sanderlend» bosh murabbiyi Devid Moyes kelasi mavsum ham jamoa boshqaruvida qolishini ta'kidladi. Eslatib o'tamiz, jamoa joriy mavsum yakunlariga ko'ra Chempionshipga tushib ketishi aniq bo'lib ulgurgan.
- Jamoada qolamanmi? Ha. Shu haftada rahbariyat bilan uchrashdim. Biz rivojlanish strategiyasini ko'rib chiqdik.
Bir necha haftadan so'ng biz yana uchrashamiz. Oxirgi vaqtlarda yaxshi o'yin namoyish qildik, ammo bizning natijalarimiz o'yinga mos bo'lmadi, - deydi Moyes.
Shu bilan birga murabbiy jamoadan Jermeyn Defo ketishini ham tasdiqlagan. Hujumchining shartnomasida quyi ligaga tushib ketgan taqdirda jamoadan ketish haqida band mavjud.
— deya xabar beradi uff.uz nashri.