«Arsenal» klubining ispaniyalik hujumchisi Lukas Peres unga londonliklar klubida etarlicha o'yin amaliyoti berilmayotganidan norozi bo'lmoqda. «Mavsum og'ir keldi. Ko'proq o'yinashni xohlardim. O'zim istagan o'yinni namoyish etolmayapman. Biroq menga ko'proq o'yin amaliyoti berilsa, gol va golli uzatmalarni ko'proq amalga oshirar edim», – deydi Peres. Ushbu hujumchining xizmatlariga «Deportivo», «Valensiya», «Espanol» va «Vilyarreal» klublari qiziqish bildirmoqdalar. Peres APLning ushbu mavsumida 11 uchrashuvda maydonga tushib, bitta gol kiritgan.
— deya xabar beradi uff.uz nashri.