JCh-2026 musobaqasi faqat bitta mamlakat - AQShda o'tishi mumkin. Xabar qilinishicha, Amerika futbol federatsiyasi musobaqani yolg'iz o'tkazishga tayyorligini bildirdi.
Aprel oyida AQSh, Kanada va Meksika jahon chempionati uchun birga ariza topshirgani ma'lum qilingan edi. AQSh mundialning 60 o'yinini qabul qilishga tayyor, Meksika va Kanada esa 10 tadan o'yinga mezbonlik qilishi ko'zda tutilgan.
Ammo ma'lum bo'lishicha Kanada va Meksika FIFAning ba'zi talablariga javob bermasligi mumkin. Shu munosabat bilan AQSh mezbonlikni yolg'iz o'zi olishga tayyorligini bildirdi.
Eslatib o'tamiz, 2026 yilgi jahon chempionatida tarixda ilk marta 48 terma jamoa ishtirok etadi va 80 ta o'yin o'tkazilishi lozim. Bunga qadar faqat bir marta - 2002 yilgi mundial ikki davlatda o'tkazilgan bo'lib, Janubiy Koreya va Yaponiya mezbonlik qilgan edi.
— deya xabar beradi uff.uz nashri.