«Real» klubi yarim himoyachisi Isko EChL yarim finalining javob bahsida «Atletiko» darvozasini ishg'ol etdi. Qirollik klubi o'zining ketma-ket 61-o'yinida ham gol kiritishga erishdi. So'nggi bor madridliklar bundan bir yil oldin EChL yarim finalida «Manchester Siti» (0:0) darvozasiga yo'l topa bilmagan edilar. Shunday qilib, «Real» ushbu ko'rsatgich bo'yicha «Bavariya»ning rekordini takrorladi. Myunxenliklar klubi 2013 yildan mart oyidan 2014 yilning apreligacha ketma-ket 61 o'yinda gol kiritishga muvaffaq bo'lgandilar.
— deya xabar beradi uff.uz nashri.