Bugun Evropa Ligasi musobaqasining yarim final javob uchrashuvlariga start beriladi. Ikkita juftlikda jamoalar keyingi bosqichga chiqishi uchun kurash olib borishadi.
Jumladan, Frantsiyaning "Lion" jamoasi o'z maydonida Amsterdamning "Ayaks" klubini qabul qiladi. Birinchi o'yinda gollandiyaliklar 4:1 hisobida g'alaba qozonib, raqiblariga hech qanday imkoniyat qoldirishmagandi. Bugun ularni hatto kichik hisobdagi mag'lubiyat ham qoniqtiradi.
Ikkinchi bellashuv Angliyada kechadi. Unda "Manchester Yunayted" jamoasi Ispaniyaning "Selta" klubini kutib oladi. Mana bu juflikda hali final masalasi hal etilmagan. Sababi, agar "Selta" gol ura olsa barchasi boshqatdan boshlanadi. Chunki, birinchi o'yinda 0:1 hisobi qayd etilgandi.
Ushbu tur anonsi bilan tanishing:
Evropa Ligasi, yarim final. Javob uchrashuvlari
12.05.2017, 00:05 Lion (Frantsiya) – Ayaks (Gollandiya)
12.05.2017, 00:05 Manchester Yunayted (Angliya) – Selta (Ispaniya).
— deya xabar beradi uff.uz nashri.