1979 yildagi Skudettodan keyin “Milan” 8 mavsum o'ziga kela olmadi. Hammasi Silvio Berluskoni kelganidan so'ng o'zgardi. Jamoa B-seriyadan chiqib, yulduz futbolchilarni sotib oladi va iste'dodli murabbiy Arrigo Sakkini jamoa bosh murabbiyi etib tayinlanadi.
Paolo Maldini (48)
Afsonaviy himoyachi Chezare Maldinining o'g'li. Paolo 10 yoshida “rossioneri”lar jamoasiga kelib qo'shiladi va klubga sodiq qoladi. Birinchi o'yini 16 yoshida, oxirgisi esa 40 yoshida bo'ladi. Paolo 902 ta o'yin o'tkazib, 5 marotaba Chempionlar ligasi kubogi va 7 marotaba skudettoni qo'lga kiritadi. U “3” raqamini afsonaga aylantirgan. Maldining faoliyati yakuni ham ajoyib bo'lishi mumkin edi, ammo Paolo bir paytlar muxlislarni “sotqin” deb atagani uchun undan xafa bo'lishadi va uning sharafiga xayrlashuv o'yini ham tashkil qilinmaydi.
Frank Raykard (53)
“Ayaks” tarbiyalanuvchisi. “Evro-1988” oltin medali sohibi. Frank o'sha yilning o'zida “Milan” jamoasiga o'tadi va 5 mavsum to'p suradi. “JCh-1990”da nemis futbolchisi Rudi Fyollerning sochiga tupurib, mashhur bo'lib ketgandi. Murabbiy sifatida “Barselona” bilan ko'pgina kuboklarni qo'lga kiritgan. U ikki marotaba chempionat va 2006-yili Chempionlar ligasi g'olibiga aylangan. Raykard Fabio Kapelloga Messini sotishdan bosh tortgan. O'sha paytda Leo 15 yoshda edi.
Karlo Anchelotti (57)
“Milan” – yarim himoyachisi, hozirda taniqli murabbiylardan biri. Futbolchi sifatida “rossioneri”lar safida emas, “jallorossi”lar safida o'zini ko'rsatgan. “Roma” safida 8 mavsum to'p surgan. Futbolchi sifatida “Milan” safida ikki marotaba va murabbiy sifatida bir marotaba Chempionlar ligasi kubogini qo'lga kiritgan. Karlo 4+3+3 sxemasi bilan tanilgan ba taktik sxemani 4+3+1+2 va 4+3+2+1ga o'zgartirgan. Arrigo Sakkini o'z ustozi deb biladi. Karlo bu mavsumda “Bavariya” bilan chempionlikni qo'lga kiritdi va 5 ta chempionatda g'olib bo'lgan yagona murabbiyga aylandi.
Ruud Gullit (54)
1987-yilda Silvio Berluskoni “Milan”ni yana kuchaytirish maqsadida rekord summa — 10 mln dollar evaziga o'sha paytdagi eng texnikasi baland o'yinchini sotib oladi. Bu Ruud Gullit edi. U o'sha mavsumning o'zida dunyoning eng yaxshi o'yinchisi deb topiladi. Shundan so'ng Evropa chempioni bo'ladi. Milanliklar safini esa Gullit Fabio Kapello bilan janjallashgani sabab tark etadi. U faoliyatini “Chelsi”da o'ynovchi murabbiy sifatida yakunlaydi.
Marko van Basten (51)
Markoni hatto Maradona ham hurmat qiladi. Van Basten ajoyib texnika egasi edi, biroq uni jarohatlar tinch qo'ymagan. Berluskoni afsonaviy shvetsiyalik uchlik Gre-No-Li (Gren-Nordal-Lidxolm)dan keyin gollandiyalik uchlik yaratishga qaror qiladi. Raykard va Gullit bilan birga van Basten “Milan”ni 1980-yillardagi eng yaxshi klubga aylantiradi. Van Basten uch marotaba “Oltin to'p” sohibiga aylangan. Hozirda Danni Blind bilan birga Gollandiya terma jamoasini boshqarmoqda.
Alessandro Kostakurta (50)
Arrigo Sakkining yana bir yulduzi. “Billi” laqabi bilan tanilgan himoyachining bo'yi unchalik uzun bo'lmasa-da (182 sm), ikkinchi qavatdagi kurashlarda ko'pincha ustun kelgan. Alessandro basketbolchi bo'lishi mumkin edi, ammo futbolni tanladi. 1988-yilda u Filippo Gallini asosiy tarkibdan chiqarib, jamoa etakchisiga aylanib oladi. Faoliyati davomida 663 ta o'yin o'tkazadi va 41 yoshida butsisini mixga iladi. Murabbiy sifatida u “Mantova” klubini boshqaradi va sal qolsa bu jamoani A-seriyaga chiqarishi mumkin edi. Davomi Penalti.uz saytida
— deya xabar beradi uff.uz nashri.