Evropa Ligasining yarim final javob bahsidan o'rin olgan “Manchester Yunayted” hamda “Selta” jamoalari o'rtasidagi uchrashuv yakuniga etdi. Unda “qizil iblislar” o'z maydonlarida 1:1 hisobida durang o'ynashgan bo'lishsada, safardagi g'alaba evaziga musobaqa finaliga yo'l olishdi. Avval Maruan Fellayni Markus Reshfordning uzatmasidan so'ng 16-daqiqada bosh bilan darvozani ishg'ol qildi. Jamoalar tanaffusga aynan mana shunday hisobda yo'l olishdi. Ikkinchi bo'lim kutilganidek, raqobatlarga boy bo'ldi. Ko'plab qulay vaziyatlarni golga aylantira olmagan “Manchester Yunayted” darvozasiga o'yinning 86-daqiqasida “Selta” himoyachisi Fakundo Ronkalya tomonidan to'p kiritildi. Ammo bu “Selta”ning finalga chiqishiga kamlik qilardi. Shu tariqa, “Manchester Yunayted” va Joze Mourino Evropa Ligasining  joriy mavsumdagi finaliga yo'llanmani qo'lga kiritdi. Evropa ligasi, yarim final “Manchester Yunayted” – “Selta” - 1:1 (1:0) Gollar: 1:0 – 17 Fellayni, 1:1 – 85 Ronkalya. “Manchester Yunayted”: Romero, Valensiya, Bayi, Darmian, Blind, Pogba, Errera, Lingard (Runi, 86), Fellayni, Mxitaryan (Kerrik, 77), Reshford (Smolling, 89). “Selta”: Alvares, Kabral, Kastro, Malo, Ronkalya, Radoya (Bongonda, 68), Ernandes, Vass (Xosabed, 46), Sisto (Bovyu, 80), Gvidetti, Aspas. Ogohlantirishlar: Blind (32), Aspas (66), Errera (81), Kabral (90). Chetlatishlar: Bayi (87), Ronkalya (88). Dastlabki uchrashuv: 1:0
— deya xabar beradi uff.uz nashri.