Londonning «Chelsi» klubi darvozaboni Tibo Kurtua jamoadoshi Mishi Batshuayi uchun xursandligini bildirdi. Hujumchi «Vest Bromvich»ga qarshi kechgan o'yinda g'alaba to'pini kiritib, chempionlikka hissa qo'shgan edi.

- Biz Chempionlar ligasida o'ynamadik va o'yinlarimiz kam bo'ldi. Shu bois ba'zi futbolchilar etarlicha o'yin amaliyotiga ega bo'la olmadi. Ammo Batshuayi o'ziga berilgan imkoniyatdan foydalandi va uning uchun xursandman.

O'tgan yil biz uchun dahshatli kechgandi. Va o'sha davrni ortda qoldirib, ligada g'olib chiqish ajoyib, - deydi Kurtua.

Eslatib o'tamiz, Batshuayi joriy mavsum Premer ligada 18 o'yinda maydonga tushdi, ammo hammasida zaxiradan maydonga tushdi. Bu o'yinlarda hujumchi 2 ta gol urib, 1 ta golli uzatmani amalga oshirgan.
— deya xabar beradi uff.uz nashri.