Dortmundning «Borussiya» klubi yarim himoyachisi Yulian Vaygl «Augsburg»ga (1:1) qarshi kechgan o'yinda jiddiy jarohat oldi. 21 yoshli futbolchi birinchi bo'lim o'rtalarida maydonni tark etgan. «Borussiya» matbuot xizmatining xabar qilishicha, Vaygl to'pig'ini sindirib olgan va 3-4 oy mobaynida maydonga qayta olmaydi. Shunday qilib, yosh yarim himoyachi «Borussiya»ning Germaniya Kubogi finali doirasida «Ayntraxt»ga qarshi o'yinni va Rossiyada o'tadigan Konfederatsiyalar kubogini o'tkazib yuboradi. Vaygl ushbu mavsum Bundesliganing 30 o'yinida maydonga tushdi. U Germaniya terma jamoasi libosida beshta o'yin o'tkazgan.
— deya xabar beradi uff.uz nashri.