BAAning «Al-Fujayra» klubi bosh murabbiyi etib tayinlangan Diego Maradona tashrifi haqida fikr bildirib o'tdi. «Menga ko'plab takliflar bo'ldi, ammo avval aytganimdek men Dubay farzandiman, BAA farzandiman. Fujayrada ham Dubayda amalga oshirgan ishlarimni qila olishga umid qilaman. Dunyoda boshqa joylar ham bor, biroq bu er yuragimga juda yaqin. Menga Qozog'iston, Rossiya va boshqa mamlakatlardan ham takliflar bo'ldi. Ammo mening o'y-hayollarim faqat Fujayra haqida. Biz jamoani kuchaytirish uchun yangi futbolchilarni sotib olamiz. Menga BAAda yashash juda yoqadi, bu dunyodagi eng yaxshi joy va men bu erni tark etishni xohlamayman», – deydi Maradona. Ma'lumot o'rnida, «Al-Fujayra» BAAning ikkinchi divizionida harakat qiladi.
— deya xabar beradi uff.uz nashri.