Yaqinda APLning 37-turida “Manchester Yunayted” “Tottenxem” mehmoni bo'ldi va mag'lubiyatga uchradi. Biz bundan fojia yasamadik, chunki “qizil iblislar” shu kuni g'alaba qozonish uchun maydonga tushishmagandi, buni o'yindan keyin futbolchilar ham tan olishdi. Mourinyo esa ochiqdan-ochiq APLda o'ynagisi kelmayotganini ta'kidladi. Xo'sh, buning sababi nimada? Sababi bitta – Evropa ligasi finalida g'alaba qozonish. Xo'sh, mazkur sovrin “MYu” uchun qanchalik muhim? KLUB TARIXIDAGI ILK NATIJA Qizig'i shundaki, “MYu” shu paytga qadar biror marta ham Evropa ligasida g'alaba qozona olmagan, aslida, jamoa Ser Aleks Fergyuson davrida Evropa ligasida deyarli o'ynamagandi. Ammo u ketgach, Moes va Van Gal klubni bu musobaqa bilan ro'baro' qilishgan, ammo shunda ham “MYu” uzoqqa bora olmagandi. Agar Joze Mourinyo mazkur turnirda zafar quchsa, o'ziga xos tarix yaratadi – “MYu” xazinasiga Evropa ligasi bosh sovrinini ham qo'shib qo'yadi EChL YO'LLANMASI MUHIM Albatta, yaqin yillargacha Evropa Chempionlar ligasini “MYu”siz tasavvur qila olmasdik. Shundanmi yaqin yillarda mazkur turnir “qizil iblislar”siz jozibasini yo'qotgandek. Qolaversa, “MYu”dek jamoaga EChLda ishtirok etolmaslik yarashmaydi. Shuning uchun Mourinyo qanday qilib bo'lmasin ushbu musobaqani yutishi shart. Ana shunda u jamoa bilan muhim bir sovrinni qo'lga kiritgan bo'ladi. KLUBNI KUChAYTIRISh YO'LIDA O'z navbatida Joze yozgi transfer mavsumida tarkibni kuchaytirishni maqsad qilgan va uning ishtahasi karnay. Ayni paytda “MYu” Antuan Grizmann, Garet Beyl va Xames Rodriges kabi futbolchilarga og'iz solib ulgurdi. Bu futbolchilar ham “Old Trafford”ga ko'chib o'tishga qarshi emaslar, faqat bitta shart bilan, ya'ni agar “MYu” keyingi mavsumda EChLda o'ynash huquqini qo'lga kiritsa, bu futbolchilar “MYu”ga o'tishlari mumkin. Albatta, ularning talabi adolatli, chunki Beyl ham, Xames ham, Grizmann ham keyingi mavsumda EChLda o'ynaydigan jamoada harakat qilishadi. Demak, ular o'z jamoalaridan voz kechib, “MYu”ga o'tishlari uchun “qizil iblislar” ham EChL yo'llanmasini qo'lga kiritishlari lozim. Qolaversa, yuqorida nomlari qayd etilgan futbolchilardan boshqa o'yinchilar ham, agar “MYu” yuqoridagi shartni bajarsa, DAVOMI:
— deya xabar beradi uff.uz nashri.