Sport sohasi bo'yicha tasvirdan ma'no izlash, ya'ni karikatura san'ati ustasi Javlon Nazarov navbatdagi suratni e'tiboringizga havola qiladi. O'zbekiston milliy terma jamoasi bosh murabbiyi Samvel Babayan “Paxtakor” jamoasi darvozaboni Aleksandr Lobanovni yurtimizning bugungi kundagi eng ishonchli posboni hisoblamoqda. Muxlislarning tanqidlariga parvo qilmagan bosh murabbiy Shimoliy Koreya terma jamoasiga qarshi o'yinda ham ushbu darvozabon xizmatidan foydalandi. O'yinda o'tkazib yuborilgan yagona golda “SportTV” sharxlovchisi ta'biri bilan aytganda, Anzur Ismoilovni aybdor deb hisoblasak, Aleksandr Lobanov ishonchni qaysidir ma'noda oqlamoqda.
Javlon Nazarov o'z karikaturasi bilan Babayanning erkatoyi terma jamoa asosiy tarkibida muqarrar o'ringa egaligiga sha'ma qilmoqda.
— deya xabar beradi uff.uz nashri.