Madridning «Real» klubi himoyachisi Rafael varan jamoadan ketish niyati yo'qligini bildirdi.
- Men har bir mavsumni «Real»da endi o'ynayotgandek boshlayman. G'alabalardan charchamayman.
«Real»dagi o'yinlarimdan uzoq yillar bahra olmoqchiman. Men va oilam Madriddagi hayotimizdan mamnunmiz. Hozir gap buyuk klub haqida ketmoqda va unda tarix yaratishda davom etmoq lozim.
Men bu tarixning bir qismi bo'lishni istayman. Aynan shu tariqa orzular ushaladi, - deydi Varan.
Eslatib o'tamiz, Rafael Varan joriy mavsum Ispaniya chempionatida 22 o'yinda maydonga tushdi va bitta gol urib, bitta golli uzatmani amalga oshirdi.
— deya xabar beradi uff.uz nashri.