O'zbekiston Kubogining nimchorak final birinchi o'yinida “Paxtakor” 22 may kuni “Nasaf”ni qabul qiladi.   Ushbu klublar o'yinlari O'zbekiston Kubogida tez-tez kuzatiladi va deyarli klassik qarama-qarshiliklardan biri hisoblanadi. Jamoalar kubok bellashuvlarida hozirgacha 14 marta to'qnash kelganlar. Ularning 6tasida “Paxtakor”, 3tasida “Nasaf” zafar quchgan. 5 uchrashuv durang bilan yakunlangan. Ikki bor hal qiluvchi final o'yinida to'qnashuv kuzatilib, har ikki bellashuvda “sherlar” muvaffaqiyatga erishganlar.   Uchrashuvni Vladislav Tseytlin boshchiligidagi hakamlar guruhi boshqaradi. Unga Timur Galeev va Akbar Po'latov yordam berishadi. “PAXTAKOR” - “NASAF” Hakamlar: Vladislav Tseytlin (Toshkent), Timur Galeev (Toshkent), Akbar Po'latov (Toshkent), Asker Najafaliev (Toshkent). Nazoratchi: Sayfiddin Ermatov (Toshkent).   Uchrashuv “Paxtakor” stadionida 22 may, dushanba kuni 19:00da boshlanadi. Javob bellashuvi 30 may kuni “Nasaf” maydonida o'tkazilishi rejalashtirilgan.
— deya xabar beradi uff.uz nashri.